93
Narodne pripovedke iz Varaždinske okolice.
Nabral M. Kračmanov.
2. Žena v u č i c a. Tak je bil jeden grof koj je melin imel vu kojem po noči nigdo ne ufal stanovati, ar saku noč je donel vuk tam i gdo god je bil v melinu sakoga je požrl. Jen put reče grof, gdo god bude v melinu jednu noč spaval njegov bude. Za to vreme našel se je jeden dečko koj si je navek mislil kak bi mogel vu njem prenočiti. Odišel je grofu, rekel da on vu melinu prenočiti hoče. Onda je odišel k melinu, zel si je deske i nje je odnesel gore na pante. Za tim si je ognja zakuril i grel se je.
Kad je čul da vuk ide, postavil je kobilu (na čem se obruči delaju) kraj ognja, sam pak brzo gore na deske odide. Vuk je došel i svud po melinu gledal, ali nikaj nije našel. Odide k ognju, sleče kožu, a ov ga zgora gleda. Ali eto 'z vuka lepa devojka. Njoj se je dremalo i zaspala je, a ov stiha dole je zišel, ovu kožu zel i pod melin s 3 čavli pribil. Kad je videl da to nije vuk neg ženska, ni se bojal, neg ju je zbudil. Kad se je prebudila, hotela je pograbiti kožu. Kad je videla da je nega, pograbila ga je za ruka i hotela ga je tuči. Kad je on to videl reče: jošče ne je bog stvoril tu žensku koja bi mene stukla. Onda počela ga je moliti da joj naj kožu da. On ne hotel dati. Ona je rekla, ako najde kožu, da bu za njega zlo. I ne se nikam dala iz melina. Onda su tak dugo bili v melinu dok je on nju za ženu zel. Dugo so skup živeli i dobili su jedno dete. Kad muza jen put ne bilo doma, isla je ona pod melin i našla je kožu pak ju je oblekla. Postala je vuk i odišla je.
Došel je on dimo i našel dete plakati i pital ga je kaj plače.   Ono reklo da je mati nekam odišla.   On taki je išel
94
gledat pod melin i nije našel koža. Znal je taki kak je. Zeme pušku i ide ju iskat.
Došel je žalosten na jedno križanje, zestal ga je jen človek i pital ga je kaj je došel i kaj išče. Ov je povedal kak je i človek ji rekel: ja sem vučji pastir, ja tebe hočem pomoči, ja bum se voke dozval, ako ju ne budeš poznal, jao tebi. Ov je rekel da ju pozna, a človek je puhnul v rog.
Došli so vuki, pita ga: jeli ovde? On reče: nije. Tak drugi i tretji put načini i pita: jeli ovde? On reče: je, on koj naj zajdni ide. Onda ga je vučji pastir slekel. Ov si ju je zel i dimo odpeljal i onda su još dugo skup živeli.
3.   Nezadovoljna žena.
Vu jednom selu živel je jenput jeden ribar i ov imel je jako pohusnu ženu. Jenput išel je lovit ribe vu jen potok i ne mogel nikaj vloviti. Na jenput spazil je jednu ribu i on je nju zakvačil z vudicom. Riba ga je prosila da ju nek nazad pusti vu vodu i on ju je pustil. Onda ga je pitala riba, da kaj oče zato kaj ju je pustil nazad vu vodu. On ji je rekel: a kaj bi ti, boga ribica, meni dala kad sama nikaj nemaš? No, samo ti reci meni kaj očes, ja bum vre mogla dati ti. Onda je ribar nju zaprosil da bi mu dala navek dobro na svetu i sreču sakomu poslu. Onda je riba znikla i on je išel dimo. Došel je dimo i povedal je ženi kaj mu se je pripetilo. Onda mu je ona rekla: a, ti si itak veliki bedak, a kaj si si to išel prosit, kaj nesi znal nikaj boljšega prositi? idi vezda nazad pak ju prosi da nek napravi da bude naša hiža mam na tri kondinacije, da ne budemo vu ovaki kolibi. On je išel i došel je do onoga mesta i počel je ribu zvati. Riba došla je van i pitala ga je da kaj on oče od nje. Onda je on rekel: moja žena neče tak kak ja očem. A kaj oče? Ona oče da naša hiža bude na tri kondinacije. No, idi dimo, ona več ima na tri kondinacije hižu i nutri sedi več. On je išel dimo i našel je lepu hižu i svoju ženu vu nutri. Onda bila je ne-kuliku danov vu ovi veliki hiži. Za jeden časek rekla je mužu: idi ti pak ribu zvat i reci ji da ti nek napravi da bum ja velika gospa i da bum imela puno lepih oprav pak da bum jako lepa. On je bil žalosten i išel je pak iskat onu ribu. Došel je do onoga potoka i počel je ribu zvati. Onda mu se je riba pokazala i pitala ga je da kaj oče pak. On ji je odgovoril: moja žena neče tak kak ja očem. A kaj ona oče? Ona oče da bude velika gospa i da bude imela puno lepih oprav i da bu jako lepa. No, idi dimo, ona več ima kaj si je želela. On je išel dimo i ona imela je več se kaj si je želela. Onda je bila nekuliko danov zadovoljna, ali onda je pak rekla mužu: idi tam pak iskat ribu i reci ji nek ti napravi da bum ja grofica. On je išel i bil je jako žalosten, došel je do onoga potoka i počel je pak ribu zvati. Onda mu se je riba pokazala i pitala ga je da kaj pak oče. On je rekel: moja žena neče tak kak ja očem. A kaj oče? Ona več oče biti grofica. No idi, ona je več grofica. On je išel, žena mu je več bila grofica. Onda je ona pak rekla za nekoliko danov mužu: idi pak iskat ribu i reci ji da nek ti napravi da bum ja carica celoga sveta i da bum pak vekšu hižu imela. On je išel i došel je do onoga potoka i počel je pak ribu zvati, i riba mu se je pokazala i pitala ga je da kaj oče. Onda je on rekel: moja žena neče tak kak ja očem. A kaj oče? Ona oče biti carica celoga sveta. Onda mu je riba rekla: idi dimo ona je več kaj si je želela. On je išel dimo i našel ju je kaj je bila carica celoga sveta i sami generali bili su okol nje. Ona je bila nekuliko danov carica, onda je rekla: idi ti, moj muz, pak iskat onu ribu i reci ji, nek ti napravi da bum ja bog. Onda je bil on jako žalosten i išel je iskat onu ribu i došel je do onoga potoka i počel je ribu zvati. I riba ga je pitala da kaj oče. On je nji rekel: moja žena neče tak kak ja očem. A kaj oče? pitala ga je riba. Ona oče biti bog. Ouda je rekla riba: idi samo dimo,
ona ti je več bog.    On je išel dimo, ali kaj?   on je našel onu istu kolibicu vu koji je bil negda.  — To je kraj.