196
Vile rojenice.
Pripovedka   isterska.
Nekda je hodil neki gospodin po jedaoj pustinji, i prišal je kasno pod večer va neku kucu, kade je neka žena hotela roditi, i govori njoj mužu: Čete me zeti na pre-spanje? A ta človik govori: Nemogu; as mi je žena na rojenje. A ti gospodin govori: Nič zato; ja ca se za najco stisnut pod ovi stol na slatnu. Gospodar reče: Ako se tako s tiu kontenate,  neka  bude.
Kada su svi po kuči pozaspali, samo ovaj gospodin pod mizon ni mogal spat, as je bil kralj. Pridu tri vile šlrologat (astrologia), ča da ima biti iz tega otroka, ki se ima najco porodit. Jedna govori: da ima biti mecen po-sikan; druga reče: on ima biti na soho stavljen; a tretja govori: ne, on ima biti kralj. Kralj pod mizon sve to čuje, se prestraši i misli, kako bi on tega otroka pogubil, da ne bi postal kralj. Va jutre, kada se stanu, se oni otac veseli i raduje, da mu je žena srečno porodila sina. A (a go-spodin počme govoriti: evo jaz san kralj, daj mi ti svojega sina, ču ti dat toliko i toliko beči; cu ga jaz izgojiti za velega gospodina, kad ste mi dali prenočišče. I ta otac mu da tega svojega ditica, ter si zame beči.
Ta kralj zame tega otročica pod svoj plašč, i gre tja. Kada je bil j ur deleko od kuce, prasne mecen otroka po vratu, i hiti ga va neko gložje, i šal je putujuc va svoja kraljevinu.
Zatin gredu lovčari lovit zvirje, i pasi i m najdu tega ditiča, i prišli su ti lovci ondeka, i vidu otročica sve va jednoj kervi plačucega, i digli su ga, i zel ga je neki veli gospodin sobon doma, i tako ga je deržal, kako da bi njegov bil, i dobro ga naučil. Kada je ta ditic malo po-narasel, počmu mu sini tega gospodara govoriti, da je on mulac ipankert). A on se potuži svojemu hraniteiju, ki mu govori: istina je, ti nisi moj sin, nego samo moj hranac, ja san te na lovu našal. A ta mladič govori: odprostite mi, ja gren tja, gren si iskati otca i mater.
I šal je tja, ter je hodil po svetu semo i tamo, dokle ni došal va neki veli grad, i ondeka pita službe, i najde ju va samoj kraljevskoj palači. Poklen je služil puno vri-mena poli kralja, vidi mu kralj zlamenje na vrate, ter ga pita još pobolje, od kuda je, i kako je. A ta mladic mu sve pove, ča zna. A kralj se prestraši i govori san v sebi: aj me mane! ovo je on ditič, ke ga san jaz posekal, da nebude on još kralj. Temu kralju seje hotel sin jedinac oženit za neku kraljevu hčer va drugo kraljestvo; i on je putoval v to drugo kraljestvo s onin mladičen svojin slugon, da si onde sina oženi, a vladanje izruči svojemu bratu starcu. Hči paka ovega kralja se je jako zaljubila v onega mladiča. Kralj ondeka va tujen kraljestvu napiše list, ter ga da svojemu slugi temu mladiču govoreči: nosi berzo ti list mojemu bratu, i samemu njemu daj ga v ruku.
Mladič zame list, gre berzo putujuč va oni stolni grad nazada. Kada biše jur blizo, vidi ga hči kraljeva iz palače i mu gre sprotu, i ga pita, zač te je moj otac poslal? Poslal me je, da ovi list samemu kraljevemu bratu v ruke dan. A ona govori: pokaži mi malo ta list. I kada ona list prime, ga odpre, a nutre je pisano: Dragi moj brate! ovega mladiča nevrednega mojega sluga, ki ti ta list nosi, ga imaš vale na sohe staviti. Ona reče mladiču, neka malo se opočine, i gre, napiše drugi list, ga zapečati ot-čevin pečaton, a va-nj piše: ovega mladiča mojega dostojnega sluga, ki ti ovaj list prinese, oženi ga vale za moja
hčer, kako san ja mojega sina za hčer ovega kralja; i da list mladiča, a on kraljevemu bratu. Ovi misleči, da je to pravi list od braca kralja, pozove oba, i svidoke, ter jih čini pozakoniti se, i piše vale svojemu brata: kako si mi pisal, oženil san našega dostojnega sluga za tvojo hčer, i mi činimo ovde velo veselje; a kralj to kada čuje, se raz-serdi, raztuži, oboleje, i umirajoč govori: Pravo sa vile govorile. Umre a oni mladič je ostal onde za kralja.
                            J. V.